Во Белгород нема цивилни жртви

Нема загинати цивили во нападот на воената база во руската област Белгород, но многу војници се убиени или ранети, изјави рано утринава гувернерот на Белгородската област Вјачеслав Гладков.

Страшен настан се случи на наша територија, на територијата на нашата воена база“, рече Гладков во видеото објавено на апликацијата Телеграм.

„Многу војници беа убиени и ранети… Меѓу ранетите и убиените нема жители на регионот Белгород“, додаде тој.

Гладков не кажа колку војници загинале, но претходно руската државна новинска агенција РИА го цитираше Министерството за одбрана дека 11 лица загинале, а 15 се ранети.