Сергеј Лавров, рускиот министер за надворешни работи, рече дека Западот ја „милитаризира“ Југоисточна Азија во обид да ги ограничи руските и кинеските интереси, објави Ројтерс.
Говорејќи за време на прес-конференцијата на крајот од самитот на АСЕАН во Пном Пен, Лавров ги прекори Соединетите Држави за нивните акции во регионот, кој и Русија и Западот го гледаат како потенцијално стратегиско геополитичко бојно поле во наредните децении.
„САД и нивните сојузници во НАТО се обидуваат да завладеат со овој простор“, изјави Лавров за новинарите. Тој рече дека индо-пацифичката стратегија на американскиот претседател Џо Бајден е обид да се заобиколат „инклузивните структури“ за регионална соработка и ќе вклучи „милитаризација на овој регион со очигледен фокус на задржување на Кина и задржување на руските интереси во азиско-пацифичкиот регион“.
Бајден на самитот рече дека Вашингтон е посветен на изградбата на „Индо Пацифик кој е слободен и отворен, стабилен и просперитетен, и еластичен и безбеден“.