Украинските лидери ќе мора да бидат „далекувиди“ за да обезбедат мир, изјави денеска папата Франциск, сугерирајќи дека Киев ќе мора да направи отстапки за да ја прекине војната со Русија.
На почетокот на овој месец, папата повика на прекин на огнот за да се спречи ризикот од ескалација на конфликтот, објави Ројтерс.
Во отвореното писмо објавено денеска по повод девет месеци од рускиот напад, папата Франциск ја истакна силата на Украинците пред нападот.
Светот препозна храбра и силна нација, народ кој страда и се моли, плаче и се бори, се противи и се надева: благородна и маченичка нација, напиша Папата и додаде дека се моли за украинските лидери.
„Тие имаат должност да управуваат со земјата во трагични времиња и да носат далекувидни одлуки за мир и економски развој за време на уништувањето на толку многу витална инфраструктура“, рече Папата.
Претседателот на Украина, Володимир Зеленски, минатата недела изјави дека Украина е подготвена за мир, но само според нејзините услови, врз основа на кои ќе биде вратена целата окупирана територија.
Во интервју објавено минатата недела, папата Франциск рече дека Ватикан е подготвен да направи се што е можно за да посредува и да стави крај на војната.