Претседателот на Република Српска (РС) Милорад Додик денеска изјави дека заедничкиот одговор на Србија и РС на притисоците врз српскиот народ на Косово и Метохија и во Босна и Херцеговина е единството на српскиот народ и српската политика против сите предизвици и дека целта треба да биде обединување на Србија и РС .
„Подолго време зборувам дека српскиот народ беше изложен на големи страдања во минатиот век и дека мораме да кажеме, без разлика на сите турбуленции во светот, дека ќе одиме напред. Без разлика на сите овие притисоци од ЕУ, Америка и многу други работи на Косово и во БиХ, српскиот народ е единствен и сака да ја изрази својата единствена државна, правна и територијална организација“, изјави Додик за ТВ Прва.
Тој рече дека за тоа не се зборува многу и дека Западот не дозволил да се зборува за тоа бидејќи тоа за нив е табу тема.