Бројот на лицата кои загинаа во пожар во илегален дом за стари лица во Кемерово во западен Сибир се искачи на 20, соопшти денеска итната помош.
– На местото на пожарот спасувачите продолжуваат да работат во услови на ниска температура на воздухот. Според последните податоци загинале 20 лица – се вели во соопштението на итната помош.
По пожарот е поведена кривична постапка за предизвикување смрт од невнимание.
Гувернерот на Кузбас, Сергеј Цивилев изјави дека по пожарот ќе бидат анализирани сите институции од овој тип, пред се приватните.
At least 20 dead in Russia illegal care home fire
This is so sad, in so many ways https://t.co/ixwhQYwCT3
— Jeremy N Leslie-Spinks (@DamagedDancerDr) December 24, 2022
– Ќе ги провериме сите институции од ваков тип, пред се приватните. Проверките ќе завршат за една недела – напиша Цивилев на својот канал „Телеграм“.
Пожарот избувнал во двокатна дрвена зграда од приватен дом за стари лица во Кемерово.
Органите на прогонот за ТАСС велат дека овој дом за стари лица бил отворен незаконски.