Путин испрати фрегата вооружена со хиперсонични „циркони“ во Атлантскиот Океан

Рускиот претседател Владимир Путин денес изјави дека испратил фрегата вооружена со хиперсонични крстосувачки ракети „Циркон“ во Атлантскиот Океан.

За време на видеоконференцијата со министерот за одбрана Сергеј Шојгу и командантот на бродот Игор Крокмал, Путин рече дека фрегатата е опремена со најновиот хиперсоничен ракетен систем, кој нема ривал.

Шојгу изјави дека фрегатата „Адмирал на флотата на Советскиот Сојуз Горшков“ ќе плови во Атлантикот, Индискиот Океан и Средоземното Море, пренесува Ројтерс.