Веќе имаше информации дека кинескиот BYD наводно преговара за преземање на фабриката на Ford во Saarlouis во Германија, но во меѓувреме се појавија нови информации.
Стела Ли, извршен потпретседател на кинескиот производител на автомобили, сега вели дека компанијата има поголема веројатност да изгради сопствена фабрика во Европа.
„Не се фокусираме на капацитети на одредени компании“, изјави Ли за Bloomberg. „Правиме физибилити студии за да ги видиме нашите планови за иднината. На пример, ако го ставиме нашиот објект во тој регион, кое е најдоброто решение таму?“
Во јануари имаше извештаи дека директорите на американскиот производител се упатиле во Кина за да се вклучат во прелиминарни разговори со кинескиот производител на автомобили за преземање на фабриката што моментално го произведува Focus, што наскоро треба да се прекине. Во тоа време, портпаролот на Ford изјави за „Вол Стрит Журнал“ дека истражуваат голем број опции како дел од процесот на затворање на фабриката. Бидејќи BYD сака да се прошири на повеќе пазари, фабриката изгледаше како добра опција.
Кинескиот производител на автомобили објави дека планира да ги продава своите возила во голем број европски земји, вклучувајќи ги Германија, Шведска, Норвешка, Франција и Обединетото Кралство. Како резултат на тоа, Ли вели дека ниту една земја сè уште не била таргетирана како локација на фабриката, а компанијата претходно изјави дека можеби е заинтересирана да има повеќе од една фабрика во Европа.