171
Рускиот претседател Владимир Путин би можел да разговара со директорот на Канцеларијата за надворешни работи на Централниот комитет на Комунистичката партија на Кина, Ванг Ји, за време на неговата посета на Москва, изјави денеска портпаролот на Кремљ, Димитриј Песков.
Песков на прес-конференцијата истакна дека руско-кинеските односи се повеќедимензионални и од сојузнички карактер и дека има многу теми за кои треба да разговараат претставниците на двете земји, пренесе ТАСС.
Весникот „Комерсант“ претходно објави дека Ванг Ји пристигнал во Москва, последната станица од неговата европска турнеја, која завршува на 22 февруари.