Чешкиот претседател: Макрон повеќе не размислува за армија на ЕУ

Новоизбраниот претседател на Чешката Република, Петр Павел изјави дека на неодамна одржаниот форум за безбедност во Минхен разговарал со францускиот претседател Емануел Макрон за европската или армијата на Европската унија и дека се согласиле дека во овој момент е подобро да се зајакне европскиот столб на НАТО .

Павел на новинарите им рекол дека европската одбрана не е прогласување армија на ЕУ, туку дека наместо тоа е подобро да се зајакне европскиот столб на НАТО, пренесе „Еурактив“.

„Веќе имаше голема промена на претседателот Макрон – од европската армија, за која зборуваше пред многу години, до сега кога рече дека треба да изградиме европска одбрана заснована на европскиот столб на НАТО. Ова е разумна промена“, рече чешкиот претседател.