Научници: Температурата на океаните на почетокот на април е највисока во историјата

Просечната температура на површината на светските океани на почетокот на април достигна 21,1 степен, што е највисока во историјата од почетокот на сателитското снимање.

Американската Национална агенција за океани и атмосфера (НОАА) објави податоци од кои произлегува дека е соборен претходниот рекорд од 2016 година, кога во овој период од годината температурата на океаните била 21 степен, пишува Гардијан.

„Сегашната траекторија на пораст на температурата на океаните ги урива сите претходни рекорди, а бројките се чини дека ќе станат уште повисоки“, рече климатологот од Универзитетот во Нов Јужен Велс, професор Метју Ингланд.