Кинески порцелански сад од 18 век продаден на аукција за 25 милиони долари

Порцелански сад со дијаметар од околу 12 сантиметри од 18 век е продаден на аукција на кинеска уметност во Хонг Конг за повеќе од 25 милиони долари, пренесе Си-Ен-Ен.

Аукциската куќа „Сотeби“ го опишала садот како „исклучително важен“, бидејќи потекнува од империјална керамичка работилница, а се вели дека е направен во 18 век.

Садот бил направен за време на владеењето на императорот Јонгџенг, од 1722 до 1735 година, иако емајлот веројатно бил нанесен на садот по смртта на императорот.