Ким Џонг Ун му пиша на Путин: Русија ќе ги победи империјалистите

Севернокорејскиот лидер Ким Џонг-ун денеска изјави дека Русија ќе победи во борбата против, како што рече, „империјалистите“, пренесе новинската агенција од Пјонгјанг, КЦНА.

Ројтерс објави дека Северна Кореја воспоставила блиски врски со Кремљ и ја поддржала Москва по нападот на Украина минатата година, вклучително и признавањето на анектираните делови на Украина, потег што повеќето членки на Обединетите нации го нарекоа незаконски.

„Луѓе на Русија, ние ви испраќаме топли поздрави до вас, како и до руската армија и граѓаните кои се борат за своето свето право да го одржуваат мирот во светот“, објави КЦНА писмото на Ким до рускиот претседател Владимир Путин.