Просечната плата во Град Загреб за февруари годинава изнесува 1.292 евра, што е номинално зголемување од 2,9 отсто во однос на јануари и 12,7 отсто во однос на февруари 2022 година, покажуваат податоците на Одделението за статистика на Градскиот завод за стратешко планирање и развој на градот Загреб.
Споредено со просечната месечна плата за февруари во Хрватска, која изнесувала 1.106 евра, просечната загребска нето-плата исплатена за тој месец била за 186 евра поголема.
Највисока просечна месечна нето-плата кај правните лица за февруари е исплатена во производството на основни фармацевтски производи и фармацевтски препарати, во износ од 3.077 евра.
Најниска плата е исплатена во производството на кожа и сродни производи, во износ од 695 евра.
Просечната месечна бруто-плата по вработен во правните лица во градот Загреб за февруари годинава изнесува 1.832 евра, што е номинално зголемување од 3,7 отсто во однос на јануари и 12,1 отсто во однос на февруари 2022 година.