Иран го откри она што властите во Техеран го опишаа како прва хиперсонична балистичка ракета од домашно производство, објавија денеска иранските државни медиуми.
Објавени се слики од ракетата со име „Фатах“, која беше прикажана на церемонија на која присуствуваа претседателот Ебрахим Рахиси и врховните команданти на Иранската револуционерна гарда.
Тоа ќе ја зголеми загриженоста на Западот за ракетните способности на Техеран, проценува „Ројтерс“, додавајќи дека хиперсоничните ракети можат да летаат најмалку пет пати побрзо од брзината на звукот и на сложена траекторија, што го отежнува нивното пресретнување.
Video of the new Iranian ballistic missile named Fattah made by IRGC Aerospace Force.
Fattah dubbed as a "hypersonic missile" has 1400 km range & final velocity of 13-15 Mach and with a solid fueled variable nozzle 2nd stage, can maneuver both inside and outside the atmosphere. pic.twitter.com/vrBAVXRUfV— Mehdi H. (@mhmiranusa) June 6, 2023
Минатата година Иран соопшти дека развил хиперсонична балистичка ракета која може да маневрира во и надвор од атмосферата.
Според иранските медиуми, „Фатах“ поради своите големи тактички способности може да ги таргетира „напредните противракетни системи на непријателот и претставува голем генерациски скок во ракетната индустрија“.
„Фатах“ има домет од 1.400 километри и ја погодува целта со брзина од 13 до 15 маха.
Загриженоста за иранските балистички ракети придонесе за одлуката на тогашниот американски претседател да се повлече од нуклеарниот договор на Техеран од 2015 година со шесте големи сили во 2018 година, а преговорите за негово обновување се во застој од септември минатата година, наведува „Ројтерс“.