259
На почетокот на оваа година Carlex Design веќе претстави модифициран Mercedes GLE Coupe (тогаш во впечатлива комбинација во портокалова и кафена боја), а сега пристигнува и верзијата со кожен ентериер Racing Blue.
Однадвор се издвојуваат 22-инчните алуминиумски тркала, Carlex ознаките, истакнатиот преден сплитер, страничните жабри, задниот спојлер на покривот и префинетиот заден браник.
Речиси целата внатрешност е обложена со Racing Blue кожа, единствениот исклучок е делот од контролната табла од карбонски влакна и црните кожни детали.
Тјунерот обезбеди и свои амблеми за потпирачите за глава, потпирачите за раце и таблата со инструменти.
Што се однесува до цената на возилото, таа е 145.000 евра.