САД не веруваат дека барањето на Турција за членство во ЕУ треба да биде пречка за влез на Шведска во НАТО, соопштија денеска од американскиот Стејт департмент.
Изјавата доаѓа откако турскиот претседател Реџеп Таип Ердоган побара забрзано членство на Турција во ЕУ за подигање на блокадата за пристапувањена Шведска во НАТО.
-Сметаме дека тоа посебно прашање од прашањето за членство на Шведска во НАТО. Дојде време Шведска да влезе во НАТО, ние тоа го подржуваме и државниот секретар Блинкн тоа неколкупати го кажа во текот на разговорите со министерот за надворешни работи на Турција Фидан, изјави портпаролот Метју Милер.
Тој истакна дека на почтокот од процесот Турција изразила загриженост до Шведска под неколку точки и дека официјален Стокхолм одговорил на тоа.
-Шведска презеде чекори да одговори на таа загриженост. Шведска си го смени уставот, усвои нов закон, уапси и врши прогон на осомничени за тероризам и сметаме дека тие акции се доволни да се одговори на загриженоста од страна на Турција. Сметаме дека Шведска треба да пристапи во НАТО за кратко време, но не знаеме кога ќе биде тоа, изјави Милер.