Папата ги повика верниците да се покајат за „еколошките гревови“

Папата Франциск денеска ги повика верниците да се покаат за своите „еколошки гревови“.

„Со помош на Божјата милост, да усвоиме животни стилови кои се карактеризираат со намалување на отпадот и непотребното трошење“, напиша папата на мрежата Икс (Твитер).

Папата често зборува за потребата од борба против климатската криза. Пораката беше постирана пред објавувањето на 4 октомври на втората верзија на неговата енциклика „Laudato Si“ објави Анса.

Во енцикликата од 2015 година за „грижа за нашиот заеднички дом“, аргентинскиот папа го критикуваше консумеризмот и деградацијата на животната средина и повика на акција за борба против глобалното затоплување.