Акциите на германскиот автомобилски концерн Volkswagen, како што јави германската агенција ДПА, континуирано паѓаат од средината на 2021 година.
Тогаш една акција на овој производител на автомобили беше 240, а сега е само 113 евра! Само во последната година тие паднаа за повеќе од 20 отсто.
Според аналитичарите наведени од оваа агенција, „инвеститорите сè помалку веруваат дека VW, каков што е, ќе ја врати конкурентноста во наредните години“. Нејзиниот удел на клучниот пазар во Кина паѓа, но се соочува и со тешкиот проблем на прекумерните трошоци во Северна Америка. И поради бавноста во развојот на електричните автомобили, таа е на крајот од европските производители кај овие возила.
Главната причина за падот на акциите на VW, според неговиот главен менаџер Михал Семотан, е заканата од значителен пад на учеството на кинескиот пазар. Сега таму продава 40 отсто од своето производство. И неговата конкуренција токму таму – станува посилна.
На пример, кинескиот производител BYD успеа да влезе во првите 10 светски производители во првата половина од оваа година. Со продажбата на милион и 250.000 автомобили во Кина го надмина Mercedes Benz.
Накратко, VW на овој клучен пазар на електрични автомобили тешко може да се натпреварува со пониските цени на тамошните производители. Затоа оди да соработува со кинески компании, пред се оние кои произведуваат поевтини автомобили кои таму се најбарани. Но, тогаш профитот е помал.