Која е тајната на ова Porsche од 1993 година?! Изгледа валкано, но е продадено за цело богатство.
Ова Porsche 964 Carrera RSR 3.8 од 1993 година има само 10 km на бројчаникот и сè уште ја има фабричката заштитна фолија стара 30 години на него.
Porsche 911 Type 964 Carrera RSR 3.8 Strassen version е попатна верзија на тркачкиот автомобил на Porsche 964 RSR од раните 1990-ти. Беа произведени само 51 примерок, а на купувачите им беа доставени директно од фабриката. Porsche Motorsport конструираше само две Strassen верзии, а овој пример е еден од тие две, според „HAK“.
Сопствениците не ја ни извадиле заштитната фолија од бојата, а километражата покажува 10 км. Под заштитната фолија има поларен сребрен лак, а внатрешноста е изработена од светло црвена кожа. Автомобилот е опремен со резервоар за гориво од 120 литри, како и мотор на Ле Ман со двојни свеќички на секој од шесте цилиндри. Сега ова Porsche е продадено на аукцијата Bonhams во Абу Даби за 2.127.500 американски долари.
Најверојатно новиот сопственик ќе треба да потроши повеќе пари за да го запали моторот, бидејќи тој не е стартуван од 1993 година. Моќноста според фабричките податоци била 320 КС, но според Car & Driver, вистинската моќност е 375 КС. Porsche 911 RSR тежи само 1210 kg, па забрзувањето до 100 km/h трае само 3,7 секунди, што е побрзо од Ferrari F40.