Polestar 4 е прогласен за најубав сериски автомобил на годината, а Dacia Manifesto за најубав концепт автомобил, одлучи жирито на порталот Car Design News.
Таа е една од најпрестижните награди од ваков вид, бидејќи ја оценува жири составено од 16 водечки дизајнери од познати студија ширум светот. На пример, оваа година во жирито беа Масимо Фрасчела, дизајнерски директор на Jaguar Land Rover и Лиза Ривс, шеф на одделот за внатрешен дизајн на Volvo.
Polestar победи пред Kia EV9, Volvo EX30 и Jeep Avenger, убедливо: дури осум дизајнери го ставија тој модел на прво место.
Од друга страна, успехот на Dacia Manifesto е уште поважен бидејќи брендот е во период на редизајнирање на својата палета. Инаку, негови најголеми конкуренти во овој избор беа Citroen Oli и Mercedes Vision One-Eleven.
Конечно, уште еден интересен факт: меѓу десетте финалисти, дури 4 од нив беа кинески модели, а само три беа европски. Но, во концептуалната конкуренција дури осум модели беа од Европа, два од САД и ниту еден од Азија.