Над 300 станови во првите две кули во „Дајмонд оф Скопје“ предадени на сопствениците

Над 300 станови во првите две кули во „Дајмонд оф Скопје“ им се предадени на сопствениците, а секој објект кој се пушта во употреба минува процес на прилагодување.

Од Лимак за „Слободен печат“ велат дека се вклучени и ги разрешуваат предизвиците што ќе се појават, колку тие да се ретки и специфични. Оттаму додаваат дека транспарентноста е врвен приоритет и дека секој сопственик на стан е целосно информиран за сите фази од процесот.

Комплексот „Дајмонд оф Скопје“ е составен од четири кули со вкупно 772 стана. Првите две кули се готови, додека другите две се во градба. Покрај станбениот дел, комплексот има и хотел, како и трговскиот центар „Дајмонд мол“ кој започна со работа во октомври годинава.