BMW 850i од 1991 година, кое некогаш му припаѓало на кошаркарската легенда Мајкл Џордан, е ставено на аукција.
Автомобилот моментално го продава вториот сопственик, а за 33 години поминал 48.280 километри. Џордан го купи сосема нов од Motor Werks во Берингтон, Илиноис. Под хаубата се наоѓа 5.0-литарскиот V12 мотор на BMW кој развива 296 КС и е поврзан со 6-брзински мануелен менувач. Комплетот на спојката е заменет во 2017 година.
Каросеријата е обоена во Mauritius сина металик боја, а автомобилот е модифициран од познатиот тјунер AC Schnitzer. На него се 17-инчните бандажи на споменатиот тјунер со гуми Continental ExtremeContact со димензии 235/45 и 275/40, кои беа поставени минатата година.
Седиштата и панелите на вратите се обложени со лесна пергаментна кожа, а автомобилот е опремен со двозонска автоматска клима, AM/FM касетофон и CD менувач монтиран во багажникот. Споменатите седишта имаат функција на меморирање на положбата, додека воланот се прилагодува електронски.
Аукцијата трае до 8 јануари, а највисоката понуда во моментот на пишување беше нешто повеќе од 60.000 долари.