Рускиот претседател Владимир Путин потпиша извршна наредба за полесна процедура за добивање руско државјанство за украинските државјани кои престојувале на Крим и Севастопол пред март 2014 година.
Објавениот документ го усогласува новиот закон за државјанство кој стапи на сила во октомври минатата година, со поедноставена процедура за натурализација на Украинците кои живееле на Крим и Севастопол до март 2014 година, пренесува ТАСС.
Покрај усогласувањето на поедноставената процедура за натурализација на споменатата група Украинци со законот, извршната одредба предвидува дека државјаните на Авганистан, Ирак, Јемен и Сирија кои се родени во Руската Советска Федеративна Социјалистичка Република и биле државјани на Советскиот Сојуз, како и лицата кои биле незаконски депортирани од Кримските автономни социјалистички советски републики, исто така, можат да добијат руско државјанство преку поедноставена постапка.