Руската полиција денеска привела неколку десетици лица во центарот на Москва, поради учество на протест против воената мобилизација за потребите на војната во Украина.
Порталот „ОВД-Инфо“ кој известува за слободата на собирање во Русија, наведува дека најмалку 27 членови на група, во која членуваат жени на мобилизирани војници биле приведени од полицијата во близина на Кремљ додека лежеле на цветната алеја во близина на споменикот на Непознатиот војник, пренесува Ројтерс.
Како што се додава, повеќето од уапсените се новинари. Некои од уапсените подоцна биле ослободени.
Detentions on Manezhnaya Square Moscow, take place without explanation. Men are taken away into paddy wagons.
Russian police detained a group of around 20 journalists, including an AFP reporter, covering a central Moscow protest by the wives of men mobilised to fight in Ukraine.… pic.twitter.com/UJ7yYnI3d9
— Yasmina (@yasminalombaert) February 3, 2024
Се поголем број Русинки бара враќање на нивните сопрузи, синови и браќа од фронтот, откако тие беа мобилизирани по декретот на претседателот Владимир Путин во септември минатата година, наведува Ројтерс. Московското обвинителство соопшти дека протестот не е усогласен со надлежните органи и се смета за незаконски собир.