ОН: Израелските наредби за евакуација опфаќаат две третини од територијата на Газа

Наредбите за евакуација на Израел во Појасот Газа сега опфаќаат две третини од територијата на палестинската енклава, или 246 квадратни километри, соопштија набљудувачите на Обединетите нации.

Десетици илјади луѓе побегнаа и продолжуваат да бегаат од областа, соопшти Канцеларијата на Обединетите нации за координација на хуманитарни прашања (OCHA) во последниот дневен извештај за хуманитарната ситуација во Газа.

Повеќе од половина од населението на Газа, кое брои околу 2,3 милиони луѓе, сега се наоѓа во градот Рафа, на границата со Египет и околните области, соопшти OCHA.