Дури 11 отсто од германските граѓани веќе доживеале кражба на идентитет преку Интернет, покажува истражувањето нарачано од Институтот за побезбедно онлајн купување (ISH) на YouGov.
Речиси секој петти испитаник, 19 отсто од нив, меѓу оние кои не биле жртви, сепак познаваат барем една личност која била. Еден од 20 граѓани бил жртва и познава други жртви, јавува германската агенција dpa.
На почетокот на март YouGov анкетираше 2.058 полнолетни граѓани од репрезентативен примерок.
Кражбата на идентитет е особено подмолна измама. Криминалците користат информации како име, датум на раѓање, адреса, број на кредитна картичка или сметка за да создадат лажни сметки, а потоа да купуваат преку Интернет или да плаќаат услуги од сметка на жртвата.
Жртвите обично предоцна дознаваат, дури кога ќе ги видат извршените исплати, рече портпаролката на Иницијативата. „Иако ризикот се зголемува, очигледно многумина сè уште го сфаќаат лесно.
Помладата генерација е особено невнимателна – на пример, секој трет испитаник во возрасната група 18-24 користи иста лозинка за повеќе кориснички сметки на Интернет.
16 отсто од помладите или 11 отсто од сите испитаници испратиле копија од личната карта на непознато лице.
Постарите луѓе генерално се многу посовесни за безбедноста на Интернет.
Имено, 70 отсто од луѓето над 55 години редовно ги проверуваат своите банкарски изводи, наспроти 39 отсто од младите.