Борис Џонсон: Падот на Киев би бил катастрофа за Западот

Падот на Киев би бил катастрофа за Западот, изјави поранешниот британски премиер Борис Џонсон, пренесува весникот „Телеграф“.

„Ако (Русите) го заземат Киев, мислам дека тоа ќе биде апсолутна катастрофа за Западот, катастрофа за Америка и за секој концепт на американско лидерство“, рече Џонсон.

Тој исто така додаде дека „се моли“ САД да го одобрат пакетот помош за Украина од околу 60 милијарди долари.

„Ситуацијата е мрачна, доцнењето е страшно“, смета Џонсон.

Тој исто така додаде дека „хаотичното повлекување на Западот од Авганистан во 2021 година нема да биде ништо во споредба со победата на Русија во Украина“.