ЕУ го одобри планот за користење на приходите од замрзнатите руски средства за помош на Украина

Земјите на ЕУ денеска го одобрија планот за користење на приходите од замрзнатите средства на Руската Федерација за помош на Украина, изјави чешкиот министер за надворешни работи Јан Липавски.

„Во ЕУ одобривме план за користење на приходите од замрзнатите средства на Централната банка на Руската Федерација за помош на Украина“, објави тој на социјалната мрежа Х, пренесува Интерфакс.

Липевски рече дека од оваа шема годинава ќе се остварат околу три милијарди евра, од кои 90 отсто е планирано да се искористат за поддршка на украинската армија.