1,3K
Началникот на Генералштабот на норвешката армија, генерал Еирик Кристоферсен денеска изјави дека НАТО има две до три години да се подготви за одбрана пред Русија повторно да биде способна да изврши конвенционален напад.
„Во еден момент некој рече дека ќе ни требаат 10 години, но мислам дека се помалку од 10 години поради индустриската база што сега постои во Русија“, рече генералот Кристоферсен, според Блумберг.
Тој посочи дека спроведувањето на овој план ќе потрае „некое време“, што им дава простор на сојузниците на НАТО да ги обноват своите сили и залихи во следните две до три години додека ја поддржуваат Украина.