Повеќе од 35.000 млади луѓе ширум Европа ќе добијат бесплатни патни карти за ЕУ почнувајќи од ова лето, објави Европската комисија во последната етапа од програмата „Дискавер ЕУ”.
Ова е можност за младите да патуваат и да ја истражуваат Европа. Младите кои ги добиле овие билети ќе можат да патуваат сами или во група од најмногу пет лица во периодот од 1 јули 2024 година до 30 септември 2025 година. Повеќе од 180.000 млади се пријавиле во април годинава, што е вкупно 1,4 милиони од стартот на оваа програма во 2018 година. Апликациите за „Откриј ЕУ“ се отвораат двапати годишно, пролет и есен.
На избраните кандидати им се нуди патна карта и патуваат главно со железница. Патниците добиваат Европска младинска картичка, која нуди бројни попусти за превоз, храна, сместување и посети на различни културни институции.