Директорот на Канцеларијата за Косово и Метохија, Петар Петковиќ, вечерва изјави дека Приштина покажала дека не е подготвена за нормализирање на односите со Белград и натамошни разговори во рамките на техничкиот дијалог, пренесува Танјуг.
По разговорите во Брисел, тој рече дека на трипартитната средба со посредство на специјалниот пратеник на ЕУ за дијалогот, Мирослав Лајчак, Белград инсистирал на формирање на Заедница на српски општини, што е клучно прашање за опстанокот на Србите и нормализација, но дека Приштина покажала дека никогаш нема да формира ЗСО и дека политиката на премиерот на привремените институции на Приштина Аљбин Курти е да ги протерува Србите.
„Дијалогот е единственото место за компромисни решенија, српскиот претседател Александар Вучиќ беше подготвен да разговара, а Курти одби“, изјави Петковиќ на новинарите по средбите.