Летните вечери на отворено се навистина прекрасни, но еден од најголемите проблеми се упорните комарци кои не ни даваат мир и лесно можат да ни го расипат уживањето во топлите летни ноќи.
Многумина ќе се согласат дека во некои области поминувањето време на отворено во вечерните часови е речиси невозможно, па затоа многумина спасот го бараат во разни производи, како и спрејови.
Познато е дека комарците ги привлекуваат одредени мириси на човечката кожа и затоа малите штетници често ја пијат нашата крв. За среќа, постои природен, евтин и едноставен начин кој навистина функционира.
Станува збор за – црно кафе.
Иако мирисот на запаленото црно кафе не е најпријатен за луѓето, тој е исклучително ефикасен кога станува збор за одбивање на комарци. Овој трик делува особено добро бидејќи црното кафе е лесно достапно и евтино, а процесот не бара посебни вештини или подготовка. Се што ви треба е чинија, малку мелено црно кафе и запалка или кибрит.
Ставете неколку лажици црно кафе на плитка чинија или друг незапалив предмет, а потоа запалете го кафето. Наскоро кафето ќе почне да гори, а густиот чад ќе ги избрка комарците.
Препорачливо е да поставите неколку чинии со кафе околу масата на тераса, балкон или во двор и многу брзо ќе ја видите разликата. Иако согорувањето на кафе создава непријатен мирис, вреди да се испроба овој трик, особено ако сте во близина на мочуриште.