Угостителот Игор М. (54) од Гелзенкирхен и, според БИЛД, „ситниот криминалец“ Френк Е. (52) од Берлин во петокот пред Судот во Инсбрук признале дека на 21 мај 2021 година од луксузниот хотел „Јагдхоф“ украле 400 шишиња од најдобро вино.
Тие го продавале виното на заинтересирани купувачи во Србија. БИЛД пишува дека на хотелот му нанеле штета од 1,077 милиони евра!
На прашањето зошто ги украле вината, Игор М. одговори: „За време на пандемијата останав без пари“.
Френк Е. рекол дека за кражбата добил 10.000 евра, но сето тоа го потрошил на кокаин.
Дуото беше разоткриено за време на истраги за дрога спроведени од полицискиот оддел на ЕК Андромеда во Бохум.
Според информациите на БИЛД, истражителите го добиле мобилниот телефон на Игор М. со шифрирани разговори во кои неговото корисничко име било „Stormsafe“ и „Bond“.
Не само што се пронајдени докази за „шверц на тони“ кокаин од Јужна Америка, туку и фотографии од правливи шишиња „Romanée Conti“ со вредност до 18.500 евра.
На суд и двајцата се осудени на 2,5 години затвор, а штетата на хотелот ќе биде покриена со осигурување.