LEXUS LFA, еден од најдобрите и најубавите спортски автомобили во последните години, наскоро треба да добие наследник.
Новиот модел беше најавен уште во 2022 година со концептот GR GT3. Тогашните шпекулации сега се потврдени, тогашниот концепт беше основа за наследникот на LFA. Како што дознава Carscoops, новиот модел ќе го замени RC F GT3 и ќе биде придвижуван од напреден V8 мотор.
По премиерата и инаугурацијата во конкуренција на тркачката верзија, на ред треба да дојде и друмската верзија како резултат на јасно дефинираните трендови во светот на конкуренцијата GT3. Се споменува хибриден погон со повеќе од 800 КС, а со тоа и можност да се застане во линија со моделите како Ferrari 296 GTB.
Прототипот на моделот е веќе снимен за време на тестирањето, како на патеката во Јапонија, така и на Spa-Francorchamps во Белгија. Сепак, впечатокот е дека конечниот дизајн на патната верзија не е целосно дефиниран, особено внатрешноста, која според стариот добар рецепт на Lexus мора да ги комбинира спортот и луксузот со високи стилски критериуми.
За момент да се вратиме на погонот. 4.8 V10 дефинитивно оди во пензија, а моделот треба да го дели моторот со GR GT3. Твин турбо V8 е речиси сигурна работа, а верзијата за патишта речиси сигурно ќе има и електрична компонента. Моќта на хибридот во синергија би можела да достигне повеќе од 800 КС.
И конечно, премиерата. Тркачката верзија треба да дебитира на „24 часа Дејтона“ во јануари 2026 година. Истата година ќе дојде и патната варијанта. Ако е блиску до LFA, многумина ќе бидат среќни.