Лајчак жали што немало трилатерална средба, продолжување на преговорите во наредните недели
Жал ми е што денеска не се занимававме со најитните прашања во трилатерален формат, изјави специјалниот пратеник на ЕУ за дијалог меѓу Белград и Приштина, Мирослав Лајчак, по денешната средба во Брисел.
Лајчак се огласи на социјалната мрежа Х во свој стил – со кратка порака и без детали за што се разговараше.
Тој рече дека денеска на одвоени средби бил домаќин на двајцата главни преговарачи од Белград и Приштина, како и нивните делегации.
Жал ми е што денеска не се занимававме со најитните прашања во трилатералниот формат“, рече Лајчак.
Сепак, тој истакна дека преговорите ќе продолжат и во наредните недели.
Останувам на располагање на страните и ќе продолжиме во наредните недели“, рече Лајчак.
Средбата на белградската делегација со специјалниот пратеник на ЕУ за дијалог започна околу 11:30 часот, по што следеше средба со Бисљими и делегацијата од Приштина и, како што пренесуваат медиумите, во два наврати.
Бисљими го образложи отсуството на трилатералната со тоа што, наводно, Србија „ја условувала агендата на состанокот со неприфатливи барања за Косово“.
Но, по средбата, во објава на социјалната мрежа „Х“, тој изјави дека Србија ја одбила трилатералната средба, а Косово е подготвено како „конструктивна и посветена страна кон конкретни чекори напред“.
Истовремено, спротивно на неодамнешните обвинувања на Лајчак, тој исто така рече дека писмото на претседателката на српскиот парламент, Ана Брнабиќ, за црвените линии на Србија за Косово не е повлечено. Тој дури тврди дека тоа денеска му го кажал претставникот на ЕУ за дијалог.
Главниот преговарач на Белград, Петар Петковиќ, потврди дека приштинската делегација ја одбила трилатералната средба.
Сепак, тој ја искористи средбата со Лајчка за да ги претстави, сега и во живо, мерките што српскиот претседател во петокот и ги претстави на јавноста во врска со ситуацијата на Косово. Тој достави и список на сите уапсени Срби или, како што вели, политички затвореници.
По оваа средба Петковиќ отишол и на средба со претставници на НАТО во Брисел, со кои ќе разговара за прашањето за мостот.