Германските обвинители поднесоа обвиненија против три лица уапсени во јуни и осомничени дека се обиделе да го уценуваат семејството на Михаел Шумахер, седумкратниот шампион во Формула 1, кој беше тешко повреден на скијање на француските Алпи во 2013 година, пишува „L’Equipe“.
Таткото Јилмаз Т.(53) и синот (30) од германскиот Вупертал се обвинети дека изнудиле 15 милиони евра од семејството на Шумахер. Тие се заканија дека ќе објават информации на дарк веб, односно фотографии и видеа од познатиот возач кои семејството не сака да бидат објавени во јавноста.
Татко и син купиле снимки и медицинска документација украдени од вилата на Шумахер од обезбедувањето.
Таткото ги купил материјалите за петцифрена сума од Маркус Ф. (52), поранешен чувар, кој работел пет години, до март 2021 година, за да ја обезбеди семејната вила на Шумахер на езерото Констанца во Швајцарија. Познатиот возач е таму по несреќа.
Поранешниот чувар е обвинет дека оттаму украл два хард диска со доверливи информации за Шумахер. Друг маж, Јилмаз Т. (53), обезбедување во ноќен клуб во близина на вилата, постојано му се јавувал на семејството Шумахер од приватен број и се заканил дека ќе ја објави документацијата на „Дарк нет“.
Во јуни, преку 30-годишниот син на Јилмаз, преговарал со сопругата на возачот Корина, уценувачите испратиле дел од досиејата од скриен мејл за да докажат дека ја поседуваат документацијата и побарале 15 милиони евра. Сопругата на Шумахер веднаш пријавила се во полиција, која ги лоцирала и уапсила.
На организаторот на уцената му се заканува затворска казна од 15 години
За обид за уцена на Јилмаз Т., му се заканува 15 годишна затворска казна. Неговиот син бил обвинет за соучесништво бил пуштен да се брани од слобода.
Поранешниот обезбедувач е обвинет за две кривични дела: соучесништво во обид за уцена и нарушување на приватноста, а се соочува со долгогодишна затворска казна.
Ова не е прв обид да се изнуди семејството Шумахер. Пред седум години полицијата го уапсила Хусеин Б. (25) затоа што на Корина и испраќал заканувачки пораки до нејзините деца. Го нашле затоа што го открил бројот на сметката, а осуден е на една година и девет месеци затвор, условна казна од 4.500 евра и 50 часа општокорисна работа.