Кога компанијата Tesla ги претстави роботот Optimus и возилата Cybercab и Robovan, возбудата кај корисниците на социјалните мрежи беше на врвот. Сепак, пофалбите брзо се претворија во критики, а многумина го обвинија американскиот гигант дека „краде“ дизајни од „I, Robot“ во кој глуми Вил Смит.
Компанијата Tesla неодамна одржа настан наречен „We, Robot“ каде ги претстави своите нови производи, имено Cybercab, самоуправувачки автомобил за клиенти, Robovan, возило за превоз до 20 луѓе и подобрени верзии на Optimus – хуманоидни роботи.
Сепак, овој настан го следеше Алекс Пројес, режисерот на научно-фантастичниот филм „I, Robot“ од 2004 година, а дизајните ги коментираше преку социјалната мрежа Х.
„Еј Илон, може ли да ги добијам назад моите дизајни“, напиша тој покрај фотографиите, на кои се обиде да ја покаже сличноста меѓу производите на Tesla и неговите дизајни за споменатиот филм.
Многумина ја забележаа и сличноста меѓу новите производи на Tesla и возилото од филмот. Robovan изгледа како возилата за автономна испорака во филмот, а Cybertaxi изгледа како самоуправувачки автомобил на главниот лик во филмот.
Мет Гренџер, кој беше асистент на Пројас во „I, Robot“, исто така го критикуваше Маск. Во сега избришаната објава, тој го изрази своето незадоволство поради недостатокот на креативност на тимот на Tesla.
Исто така, се чини дека името на настанот „We, Robot“ е инспирирано од насловот на филмот „I, Robot“, а иронијата не остана незабележана кај гледачите бидејќи филмот предупредува за опасностите од роботите и вештачката интелигенција.
Ова не е прв пат дизајните на Tesla да се споредуваат со други. Cybercab претходно беше споредуван со XL1 на Volkswagen.
Во филмот „I, Robot“ футуристичкиот автомобил наречен Audi RSQ концепт имаше уникатни карактеристики како сфери наместо тркала, „пеперутка“ врати и детали слични на оние што ги користи компанијата Tesla. Сепак, за разлика од целосно електричниот погон на Tesla, филмскиот автомобил го придвижуваше 5,0-литарски V10 бензински мотор.