Следната генерација на електрични, бензински и дизел автомобили на BMW не само што ќе изгледаат слично, туку и ќе ги делат истите високотехнолошки, футуристички карактеристики во внатрешноста, нудејќи речиси идентично корисничко искуство без оглед на тоа што се наоѓа под хаубата.
Ова го откри Адријан ван Хујдонк, шеф на дизајнот на BMW Group, кој најави дека секое идно BMW, без разлика на погонската група, ќе го зборува дизајнерскиот јазик Neue Klasse. Секако, ќе има и разлика во пропорциите помеѓу, на пример, електричните автомобили и возилата на платформа која во основа поддржува погон на задните тркала и бензински и дизел мотори.
– Големиот напредок со електричните возила, новите технологии и дизајнерскиот јазик, ќе се пренесе на целото портфолио на производи, вклучувајќи ги и нашите возила со внатрешно согорување. На купувачите нема да им биде тешко, секој ќе добие нови модерни BMW и ќе може да го избере погонот, објасни ван Хујдонк во изјавата за Top Gear.
BMW ветува дека секој модел ќе задржи посебен визуелен карактер, односно нема сите автомобили да бидат како „бабушки“, пренесе „HAK.
Ван Хујдонк го нагласува високотехнолошкото корисничко искуство во идните модели, како што е BMW Panoramic Vision head-up екран. Внатрешните детали ќе вклучуваат централен екран на допир со неконвенционална форма, футуристички контроли на воланот и еколошки допир со широка употреба на рециклирани материјали.
Првиот сериски модел кој ќе го прифати новиот стилски јазик ќе биде електричниот BMW iX3, кој треба да пристигне во 2025 година.