Брендот „Москино“ продава необична чанта во форма на целер за повеќе од 4.000 долари. Набрзо стана предмет на бројни коментари на корисниците на социјалните мрежи. На веб-страницата се наведува дека листовите и гранките се направени од жица за клиентите да можат да ги приспособат по желба. Очекувано следеа реакции за овој необичен моден додаток.
„Ја разбирам желбата на некои луѓе да се истакнат, но ова е навистина претерување“, „Не разбирам зошто некој би платил толку пари за чанта“, „Што нема да измислат“, се некои од нив.
Иако „Баленсијага“ е познат како бренд кој во својата палета има многу необични модни додатоци, се чини дека на „Москино“ му е силна конкуренција.
Покрај оваа необична чанта во форма на целер, тие продаваат и чанти во форма на багет за повеќе од илјада долари, хартиени кеси за повеќе од 500 долари итн.