29
Најмалку 35 лица загинаа, а најмалку 40 други се повредени откако маж со својот автомобил влетал во група луѓе кои вежбале пред стадионот во Жухаи, Кина, јавува Би-Би-Си.
Полицијата уапси маж (62) кој се обидел да побегне, но од здобиените повреди моментално е во кома.
Очевидци велат дека на стадионот во тој момент се собрале најмалку шест групи луѓе. Тие користеле обележана патека за пешачење.
– Возеше во круг, а луѓе беа повредени на сите делови од патеката – на исток, југ, запад и север – изјави друг очевидец.