Мечка сред бел ден се шета во селото Петралица општина Ранковце. Оваа информација ја споделија од Ловното здружение „Славишко поле“ при што потсетуваат дека мечката е заштитен вид и нејзиното застрелување е казниво со закон.
– Почитувани ловци, ценети жители на Општина Ранковце, во село Петралица се појави кафеава мечка! Ве информираме дека со закон е строго заштитен вид на дивеч, трајно забранет за застрел! Ова е тревопасно животно и ви апелираме да не ја предизвикувате со било какви дејствија, таа сама ќе се повлече во шумските предели на нашите ловишта! Застрел на мечка е кривично дело за кое е предвидена казна затвор, а според казнениот ценовник од законот за дивечот и ловството, казната е 5000 евра, објавија на својата Фејсбук страница од Ловното здружение „Славишко поле“.