(ВИДЕО) Дали би ја поминале ноќта во капсули лоцирани над бездна?

Хотелот „Ово Патагонија“ многумина го опишуваат како „сместување за најхрабрите“, бидејќи стигнувањето до него вклучува планинарење, искачување по козји патеки и преноќување во капсули кои „висат“ над бездна.

Сместувањето се состои од проѕирни капсули кои висат од камен ѕид речиси 275 метри. Пристапот вклучува пешачење длабоко во аргентинска Патагонија, проследено со качување по стрмни карпи со помош на јажиња. За ова искуство се потребни појаси, кациги и многу храброст.

„Сакаме да доживееме уникатни искуства во контакт со височините и во контакт со нашето најинтимно искуство на излегување од нашата комфорна зона“, изјави основачот на хотелот Езекиел Руте за „Форбс“.