40
Казахстанската полиција го истражува краткото појавување на украинското знаме на голем ЛЕД екран во главниот град Астана, за време на посетата на рускиот претседател Владимир Путин, соопшти денеска Министерството за внатрешни работи на Казахстан, пренесе Ројтерс.
Украинското знаме накратко се појави во средата наместо руската тробојка на екран лоциран на една од главните сообраќајници во Астана, соопшти агенцијата.
Рускиот претседател веќе беше во градот и ја започна дводневната државна посета на Казахстан, а екранот набрзо беше исклучен, но фотографиите и видеата од инцидентот брзо се проширија низ Интернет.