Германската автомобилска индустрија е во трескавичен пад: платите се намалуваат, фабриките се затвораат и работниците се отпуштаат. Но, тука не е крајот на проблемот: луѓето едноставно престанаа да купуваат германски автомобили. Илјадници нови возила седат во магацини и до една година и чекаат купувачи, пишува „Билд“.
Речиси шест илјади нови скапи автомобили се паркирани на огромен простор на северот на Есен. Оваа област веднаш до пристаништето на градот е претоварно место за автомобилите на најголемите производители на автомобили во западна Германија. Но, никогаш во историјата на оваа логистичка компанија не се случило тука да нема доволно простор.
„Никогаш не сум сретнал вакво нешто, а тука работам повеќе од десет години. Автомобилите само што пристигнуваат, но ретко кога заминуваат. Тоа се објаснува со тоа што и салоните на автопроизводителите се целосно полни. И по викендот комбињата остануваат на терен целосно натоварени и не заминуваат на испорака во понеделник наутро, вели еден вработен во интервју за Билд.
Причината за собирање нови автомобили е едноставна: никој повеќе не сака да ги купува!
„Овде има многу автомобили кои се испорачани пред повеќе од шест месеци, сега имаме дури и нови автомобили кои седат овде повеќе од една година“, велат вработените.