Косовската полиција во петокот соопшти дека ги засилила безбедносните мерки на ниво на земја, вклучително и на северот каде во последните денови имаше два инциденти во Звечан.
Според соопштението, се врши зголемена безбедност за да се спречат инциденти од различна природа.
„Ќе има зголемување на полициските активности за обезбедување поголема безбедност низ државата, за сите граѓани без разлика“, се наведува во соопштението.
Оперативните полициски планови, како што се вели во соопштението, ќе се фокусираат на зголемување на полициското присуство на терен, „вршење повеќе патроли во најкритичните области, повеќе пунктови и зголемена соработка со граѓаните“.
„Полицијата преку оперативни и интелигентни акции ќе има за цел да го одржува јавниот ред и мир, да ги спречи криминалните дејствија и да ги истражи и изведе пред лицето на правдата сите кои ќе се осмелат да ја нападнат безбедноста, законот и уставниот поредок.
Целта на овие операции, соопшти полицијата, ќе биде безбедноста на граѓаните, безбедноста на нивниот имот и јавниот и институционален имот.
Понатаму, полицијата ги повика граѓаните на соработка во информациите што важат за зголемување на безбедноста во целата држава.