Роботи-полицајци патролираат по улиците во Кина, некои од нив носат и оружје. Во преден план се службениците за спроведување на законот кои патролираат по улиците во друштво на сферични роботи со технологија за вештачка интелигенција, дизајнирани да откриваат и запираат злосторства.
Полициските роботи „RT-G“ ги направи локалната компанија „Logon Technology“ со цел да им помогне и на крајот да ги заменат луѓето во опасни ситуации.
Според производителот, автономните роботи можат да се движат по копно и вода, достигнувајќи брзина до 35 km/h и можат да издржат удари до четири тони, пишува „Дејли Стар“.
Тие се опремени со софистицирана технологија за препознавање лице и камери за откривање на неправилности во нивната околина. Тие можат да повикаат засилување, други роботи или луѓе во униформа, но нема да се двоумат сами да ги фатат криминалците.
За такви потреби тие се вооружени со мрежа и фрлачи на солзавец, уреди за емитување звучни бранови и гранати. Нивната способност да се движат во сите услови е прикажана во промотивното видео.
Иако се забележани како патролираат со човечки полициски сили, останува нејасно дали се работи за пробен период или за трајно решение.