Конфликтот во Украина влегува во последната фаза, а неговиот крај би можел да се случи наскоро, пишува „Њујорк тајмс“.
„Речиси три години по почетокот на „Специјалната воена операција“ во Украина, конфликтот влегува во фаза која би можела да биде конечна, а договорот за прекин на непријателствата изгледа поверојатен од кога било“, се истакнува во написот.
Авторот на написот потсети на тешката ситуација во Украина, која од летото постојано губи територии и страда од зголемен недостиг на војници.
Владимир Зеленски на крајот на ноември во интервју за „Скај њуз“ изјави дека може да се согласи на прекин на огнот и откажување на некои територии во замена за членство на Украина во НАТО.
На 14 јуни рускиот претседател Владимир Путин претстави нови мировни предлози за решавање на конфликтот во Украина, кои предвидуваат признавање на статусот на Крим, ДПР, ЛНР, Херсон и Запорожје како делови на Русија, определување на неврзан и безнуклеарен статус на Украина, нејзина демилитаризација и денацификација и укинување на антируските санкции.
Украинската страна ја отфрли оваа иницијатива.
Сепак, како што изјави на 4 декември портпаролот на Кремљ, Дмитриј Песков, во моментов нема основа за руско-украински преговори.