(ВИДЕО) Со торта нападнат поранешен германски министер

„Тортата“ на тацна го погоди директно во лице поранешниот министер за финансии. Портпаролката на локалната ФДП и очевидец изјавија дека станувало збор за „лажна торта“ направена од пена за бричење. Линднер реагира на нападот така што извади дел од пената од лицето и ја намачка во косата на жената која го нападна.

„За жал, тоа не беше крем, само сапуница. Барем можеа да го направат тоа подобро, тогаш и јас ќе имав корист од тоа“, продолжи Линднер додека си го брише лицето со салфетка.

Лидерот на ФДП зборуваше во мала сала во изборната единица во Грајфсвалд.

Жената која го нападна Линднер веднаш била онеспособена и фрлена директно на земја, како што може да се види на видеото.

Според Билд, полицијата води истрага против жената за нанесување телесни повреди и навреда. Меѓутоа, таа не била приведена.

Напаѓачот наводно е студентката Кристијана К. од Грајфсвалд. Таа е активна во Левата партија и во левичарската студентска група на Универзитетот во Грајфсвалд.

Државниот претседател на Левица во Мекленбург-Западна Померанија, Хенис Хербст (28) потврди дека младата жена ѝ припаѓа на неговата партија. Неколку членови на младинската организација Левица демонстрираа против политиката на ФДП пред местото на настанот.