Русија лансирала повеќе од 51.000 насочувани воздушни бомби против Украина од почетокот на нејзината целосна инвазија пред речиси три години, соопшти во четвртокот украинското воздухопловство.
Насочувани или лизгачки бомби се многу деструктивни и многу тешко се пресретнуваат. Оружјето што се лансира од воздух е конвенционално, опремено со крила и сателитска навигација за да се прошири нивниот опсег и прецизност.
Тие се поевтини од балистичките и крстосувачките ракети кои Русија исто така редовно ги истрелува кон Украина, и пообилни.
Нивната деструктивна моќ значи дека можат да ги опустошат дури и силно утврдените украински одбранбени позиции.
Во 2024 година Русија употреби околу 40.000 насочувани бомби во Украина, се вели во соопштението на воздухопловните сили на апликацијата за пораки Телеграм.
Регионите во близина на фронтовите, како и оние кои граничат со Русија се најредовно цел на ова оружје, велат украинските власти.
Во средата Русија истрела две такви бомби врз станбена област во југоисточниот град Запорожје, при што загинаа најмалку 13 лица, а беа повредени 113 во најсмртоносниот напад досега оваа година, соопштија официјални лица.
Во четвртокот напад со управувана бомба врз станбени згради во јужниот град Херсон повреди најмалку шест лица.
Украинските власти велат дека најефективниот начин да се спротивстават на нападите со наведувани бомби е да се таргетираат воените авиони што ги носат и аеродромите каде што се стационирани.