На фотографијата е рентгенска снимка од рака на момче (12) од Србија кое е тешко повредено кога му експлодирала петарда во раката. Експлозијата во неговата рака уништила дел од неа, а лекарите немале друг избор освен итна ампутација. Рендгенските снимки, кои семејството ги сподели со јавноста, ја откриваат целосната сериозност на повредата и станаа предупредување кое никој не смее да го игнорира.
Секоја Нова Година и Божиќ, експертите предупредуваат на опасноста од неправилно ракување со пиротехниката, особено кај децата, бидејќи петардите можат да предизвикаат трајни физички и психички последици. И покрај апели од експерти и законски мерки, вакви инциденти за жал се повторуваат секоја година.
Моментот на невнимание најчесто резултира со сериозни повреди на коските и ткивата, кои бараат сложени хируршки интервенции, долгорочно закрепнување и резултираат со траен инвалидитет.
Според статистичките податоци, дури 40 отсто од „пиротехничари-аматери“ трпат повреди поради некомпетентно ракување со пиротехнички средства. Меѓу нив најчести се изгорениците, губењето на прстите, трајното оштетување на раката и повредите на очите. Децата и тинејџерите сочинуваат значителен процент од овие несреќи.
Дури и најмалата петарда може да предизвика сериозни повреди. Децата честопати немаат поим за моќта на експлозијата, а во моментот на експлозија, последиците можат да бидат фатални.
Во некои европски земји, како Норвешка и Ирска, продажбата на петарди е целосно забранета, што значително го намалува бројот на повредени.
Празничната радост не смее да се претвори во трагедија, а пиротехниката создава лажна слика на возбуда, а во исто време носи сериозни ризици.